13 dagar!

2 dagar í Eignarrétt

13 dagar í Stjórnsýslurétt (og sumarfrí!)

 

 Ég vona að andinn endurnýist eftir eignarréttarprófið, því ef ekki þá er nokkuð útséð með það að ég mun ekki lifa af þangað til 8.maí.. 

ekki svo gott...

Ég er ekki jafn bjartsýn og ég var í gær...

 

.... bara að láta ykkur vita...

 

kv

Svartsýna Stína

jæja, bring it!

ÉG HLAKKA SVO TIL AÐ FARA Í PRÓFIÐ Á FÖSTUDAGINN!!

 

Ég ákvað að skrifa þetta niður á opinberan stað svo að ég skipti síður um skoðun (virkar það ekki þannig?)

Ég vaknaði allavegana í morgunn mega tilbúin í þetta próf. En ég þarf að bíða í alveg 3 daga til viðbótar við daginn í dag eftir að mega spreyta mig! (Þannig að nægur er tíminn til að snúa sér við í stress og bölmóð - og þar fyrir utan, nægur tími til að gleyma allri þessari vitneskju)

 

Kv

Bjartsýna Bína

 

 

 

Líf mitt í tölum

Kl er 19:36

Ég á 43 bls eftir af leskvótanum í dag

Ég er búin að sitja hér síðan kl 9 (með matarpásum, klósettferðum og meirað segja einni Ítalíuferð! Skrapp örsnöggt til Napólí þar sem ma og pa buðu uppá pizzu af bestu sort! *slurp*)

Ég mun fara að sofa eftir ca 3 tíma

Ég mun vakna eftir 12,5 tíma og endurtaka þessa setu mínu hér

Ég á eftir 7 daga í eignarréttarlestur (ó svo stutt!)

Þar á eftir tekur við 10,5 dagur af stjórnsýslurétti 

Eftir 19 daga er þessum hörmungar dögum lokið (líf mitt er ekkert dramatískt, nei nei) 

Eftir 20 daga ætla ég að sofa út og vakna og dorma og fara svo á fætur, fá mér að borða og dorma svo meira. (háleitir draumar eigh?)

Nú er kl 19:41 og mér er ekki til bloggsins boðið lengur, þarf að drífa í þessum blaðsíðum sem ég talaði um áðan..

 

 

STRONGER

Ég get svo svarið það að ég geri ekki annað en að strika daga útaf dagatalinu mínu sem hangir hérna fyrir ofan tölvuna á skrifborðinu mínu. Dagarnir gjörsamlega fljúga í burtu frá mér. Ég er alveg hætt að botna í þessu..

Hinsvegar verð ég að líta á björtu hliðarnar, því fleiri daga sem ég strika yfir, því færri eru í sumarfrí. Í dag eru bar 3 vikur (og meirað segja aðeins skemur, mínus 1 dagur). 

Ef það er ekki ástæða til að fagna þá veit ég ekki hvað.

Fyrsta prófið er eftir 9 daga.. jiiminneinasti. Svo stutt en samt svo langt! 

 

Þetta veður er alveg yndislegt. Elska að vakna í sól og blíðu. Er ekki bara spurning um að skella sér í sund í læripásu á eftir? Þa ´eld ég nú! 

 

En svona eitt fyrir ykkur sem eruð ekki að læra (og auðvitað fyrir ykkur sem eruð að læra en langar að hrista aðeins upp í þessu)

Er ég dreg þér hring á fingur...

Ég get ímyndað mér að það verði uppi fótur og fit ef þessi hringur myndi skolast niður við uppvaskið.

 

.... eða bíddu... 

 

1) þau myndu kannski ekki missa sig yfir svona "smáaur"

2) hún þarf kannski aldrei að vaska upp enda örugglega með 2 þjóna í því fyrir utan uppþvottavélina

 

 

Gifta sig í næstu viku

24 dagar

Lærdómurinn á mig þessa dagana... og næstu 23 daga væntanlega.

merkilegt hvað draslið vill alltaf hrúgast á borðið mitt. Tók til á því í dag, fannst það svaka fínt orðið, og svo 10 mín seinna var það aftur komið í drasl. Held ég leyfi því bara að vera. Svo lengi sem það er mitt skipulagða óskipulag! 

 

Nú held ég að ég sé að tapa orrustunni við augnlokin. Gefst upp!

 

Góða nótt!

Gleðilega páska!

Mér finnst miklu skemmtilegra að borða páskaegg á meðan ég fræðist um þinglýsingar heldur en að liggja uppí sófa fyrir framan sjónvarpið!

 

þung augnlok

Skrambi væri nú gott að leggja sig núna!

 

Fer þetta sumarfrí ekki örugglega alveg að koma?! Mér finnst alveg kominn tími á það!

Gaman að lesa!

Ég prófaði í fyrsta sinn að taka tölvu með mér í skólann þessa önnina (thank god! - veit ekki hvar ég væri ef ég hefði ekki gert það)

Og svo prentaði ég út allar glósurnar úr tímunum og er núna svona jafnt og þétt að skemmta mér við að lesa þær. 

Fróðleiksmoli dagsins:

"Eign sem háð er forkaupsrétti er ekki jafn sexy söluandlag og eign sem ekki er háð slíkri kvöð"

 

... og hananú!